A SEN premia ao doutor do CHUS Francisco Javier López polo seu traballo contra a epilepsia
SANTIAGO
A entidade valora a súa contribución ao coñecemento e o desenvolvemento científico na súa especialidade
10 jun 2024 . Actualizado á 11:25 h.A Sociedade Española de Neuroloxía (SEN) concedeu o premio da modalidade científica ao doutor Francisco Javier López González. Fíxoo como recoñecemento á súa contribución ao coñecemento e desenvolvemento científico no ámbito da epilepsia. A xunta da SEN valorou as súas publicacións en revistas de impacto, o seu labor como coordinador do grupo de Epilepsia, a posta en marcha de proxectos e protocolos clínicos, e o seu labor asistencial e docente.
Francisco Javier López é actualmente o coordinador da unidade de Epilepsia Refractaria do Servizo de Neuroloxía do Complexo Hospitalario Universitario de Santiago de Compostela (CHUS), onde tamén foi especialista na área de Neuroloxía, así como no Complexo Hospitalario Arquitecto Marcide-Profesor Novoa Santos de Ferrol (A Coruña).