O museo retoma o ciclo os días 5 e 11 de xuño
29 may 2024 . Actualizado á 04:55 h.O Centro Galego de Arte Contemporánea celebra o 5 e o 11 de xuño a segunda parte do ciclo Coleccións públicas a debate: A colección do CGAC, na que se abordará o tema da colección dun museo como punto de encontro entre sensibilidades diversas. O día 5, ás 18.00 horas, haberá na biblioteca do CGAC unha mesa redonda con Vicente Blanco, Yolanda Herranz, Carme Nogueira e Susana González, moderada por Santiago Olmo e Pedro de Llano. O 11 de xuño, ás 19.00, haberá outra mesa redonda, na Facultade de Historia, con Agar Ledo, Carlos Bernárdez e Ángel Calvo.