Un gran despregamento de medios permitiu frear as chamas vinte e seis horas despois de que comezase o lume
24 abr 2024 . Actualizado ás 09:02 h.O incendio forestal declarado na tarde do pasado luns no municipio de Rois quedou estabilizado ás 5.21 da madrugada e controlado desde as 20.11 da tarde deste martes, informou a Xunta, que asegurou que a superficie afectada acadou as 130 hectáreas.
Este lume, que é o maior dos que se rexistraron este ano na área de Compostela, declarouse ás 17.54 horas do luns na parroquia de Leroño, e non de Herbogo como desde Medio Rural informouse inicialmente. Na extinción traballaron tres técnicos, 39 axentes, 49 brigadas, 40 motobombas, 3 pas, 4 avións e 6 helicópteros. Veciños da zona e o propio alcalde de Rois, Ramón Tojo , sospeitan que o incendio foi intencionado.
Medio Rural lembra que está a disposición dos cidadáns o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento. É o 900 815 085.