Xavier Santos Veiga, do San Francisco de Teo, logra o ouro no Campionato de España de Kárate

Xavier Santos Veiga, do Club San Francisco de Teo, proclamouse campión de España de kárate na categoría de -67 quilos, na modalidade de kumite, ao imporse na final ao madrileño Fernando Delestal Jimeno, a quen non deu opción: 3-0. É o primeiro ouro da historia para o kárate galego en categoría absoluta.

Xavier Santos foi un dos integrantes do combinado autonómico, xunto coa súa compañeira de equipo Ruth Lorenzo Couso, que tivo que conformarse coa medalla de prata en -55 quilos. Cedeu na final ante a valenciana Sonia Pereira Villalobos, por 3-1.

Tamén lograron medallas de bronce para a representación galega Iván Pazos e Marcos Movilla, en parakárate.

---

---

---