A área de Santiago rexistra 45 parados menos que en xaneiro e 1.229 menos que hai un ano
SANTIAGO
O mes pasado pechouse con 10.266 desempregados na zona, a gran maioría no sector servizos
05 mares 2024 . Actualizado ás 05:00 h.Os 25 municipios que integran a área metropolitana de Santiago pecharon o mes de febreiro con 10.266 persoas nas listas de desemprego. A cifra representa 45 parados menos que no mes de xaneiro (10.311), un descenso que chega en Santiago , cuxos 4.086 parados son 64 menos; Arzúa, que con 182 baixas 11 sobre xaneiro; A Baña, 142 desempregados en febreiro, tres menos que xaneiro; Boqueixón (101 en febreiro por 105 en xaneiro); Brión (249 por 268); Dodro (103 por 107); O Pino (133 por 135); Oroso (299 por 305); Rois (150 por 154); Santa Comba (413 por 416); Santiso (55 por 58); e Tordoia (92 por 97). Repite a mesma cifra de parados en ambos os meses Val do Dubra, con 132 persoas. Os demais municipios rexistran incrementos que sitúan o número de desempregados en 1.341 en Ames (20 máis); 58 en Boimorto (4); 77 en Frades (2); 323 en Melide (15); 311 en Negreira (5 máis); 547 en Ordes (7); 384 en Padrón (7); 700 en Teo (9); 26 en Toques (2); 139 en Touro (7); 79 en Trazo (1); e 144 en Vedra (4 máis).
O comportamento do paro foi máis positivo na análise interanual, xa que o pasado febreiro pechou con 1.229 parados rexistrados menos que o mesmo mes do ano 2023 (11.495 desempregados entón), un 10,7 % de descenso. Nesa comparativa dos últimos 12 meses o descenso é xeneralizado e son unicamente cinco os municipios que escapan a esa tendencia. Trátase de Frades , Melide, Toques, Touro e Val do Dubra, que viron lixeiramente incrementadas as súas listas.
A maior redución cuantitativa no último ano rexistrouse en Santiago, onde o paro baixou en 456 persoas; 183 en Ames ; 90 en Brión ; 85 en Teo; 65 en Padrón ; 58 en Oroso ; e 43 en Rois .
Por sectores, o de servizos aglutina a maior porcentaxe de desempregados en toda a área metropolitana: na comarca de Santiago, do total de 6.753 parados acada os 5.139, nunha porcentaxe que representa o 76 % do total; son 399 en industria; 383 en construción; e 122 en sector primario, con outros 710 sen emprego anterior. A Barcala rexistra 297 parados en servizos, 48 en industria, 41 en construción, 21 en sector primario e 46 sen emprego anterior; en Arzúa son, respectivamente, 372, 45, 30, 25 e 40. Na comarca de Sar son 430 desempregados no sector servizos, 94 en industria, 40 en construción, 25 no sector primario, e sen emprego anterior contabilízanse 48 persoas. En Frades, Ordes, Oroso, Tordoia e Trazo suman 691, 170, 78, 49 e 106, respectivamente. En Melide, Santiso e Toques son as cifras seguintes, en cada un dos respectivos apartados: 256, 40, 29, 44 e 35; e en Santa Comba, 250, 51, 46, 26 e 40.
Máis paro feminino
O paro feminino é maioritario, e só escapan a esa tendencia pequenos municipios como Boimorto (27 mulleres e 31 homes), Frades (37 fronte a 40), e Santiso (23 por 32). En Toques, igualdade: 13 mulleres e 13 homes.