Bombeiros de Santiago e profesionais da Consellería de Medio Rural lograron deter as chamas ao redor das 15.08 horas
23 ago 2023 . Actualizado ás 18:37 h.Bombeiros de Santiago e membros dos equipos de extinción da Consellería do Medio Rural lograron extinguir un incendio que afectou á parroquia de Conxo, en Santiago. Segundo a estimación da Xunta, preto dunha hectárea de terreo sufriu o impacto das chamas, que se centraron na contorna da AP-9 direccións Pontevedra. Ata o lugar, ademais dos profesionais do parque compostelán acudiron dous axentes forestais, catro brigadas, un helicóptero e dous avións.
Tal e como apuntaron desde Medio Rural, a ausencia doutros incendios importantes motivou que se puidese despregar unha importante cantidade de medios, que permitiron que, tras recibir a alerta sobre as 14.26 horas, as chamas quedasen estabilizadas ás 15.08.