Este mércores, a partires das 19.30 horas, a Libraría Miranda organiza na sala multiusos do Centro Social do Mar de Bueu a presentación do libro Ou lanzador de coitelos, de Fernando Castro Paredes (Tapia de Casariego, 1975). O autor asturiano estará acompañado de Tensi Gesteira, crítica literaria e fundadora de Lecturafilia.
En Ou lanzador de coitelos relata como un sicario é contratado para raptar unha figura prominente das letras, un poeta húngaro emigrado a París. A operación terá un xiro inesperado e ambos os dous protagonistas acabarán confrontados co seu pasado», destacaron dende Galaxia.
Engadiron que con esta premisa arrinca «unha novela que parte dos códigos do thriller máis clásico para transcender o xénero cunha estrutura sofisticada e sedutora. A trama permitirá expoñer con eficacia un mundo de personaxes de identidades duplicadas e antagónicas».