Acompañada por Estela Gómez, a escritora Lucía Solla Sobral (Marín, 1989) presenta ás 12,30 horas na libraría Paz de Pontevedra a súa novela Comerás flores (Edit. Libros del Asteroide).
Con esta obra, a autora marinense, segundo destacan dende a editorial, «indaga nas miraxes das relacións desiguais e na amizade como refuxio», así como «explora que significa ser mozo, madurar e construírse unha identidade». Trátase, polo tanto, dunha opera prima no que se amosan «as distintas caras do amor e as miraxes das relacións desiguais, as dificultades do duelo e a amizade como refuxio».
En Comerás flores, Lucía Solla explota «unha prosa que oscila entre a delicadeza lírica e a crueza visceral» coa que está conquistando a público e crítica a partes iguais.