«Unha vaixela, unha premonición», de Marta Fernández Calvo e Su Garrido Pombo emociona ao público na Bienal

O claustro do Edificio Sarmiento do Museo de Pontevedra acolleu a noite do venres a performance Unha vaixela, unha premonición, da artista Marta Fernández Calvo, coa colaboración da cantante viguesa Su Garrido Pombo, dentro da programación de artes vivas da Bienal de Arte de Pontevedra. A acción escénica activou un arquivo emocional tecido arredor do alimento, a memoria e os coidados, a través dun traballo coral de palabra e son que conectou profundamente co público asistente. Nin a forte calor que fixo durante a noitiña restou emoción a una das actividades programadas dentro da Bienal. 

A proposta, comisariada por Iñaki Martínez Antelo, destacou pola súa intensidade e delicadeza, e confirma a aposta da Deputación de Pontevedra pola promoción da arte contemporánea e a cultura en todas as súas manifestacións.

---

---

---