A actuación ten como fin que o inmoble poida ser utilizado como punto de encontro veciñal
04 dic 2025 . Actualizado á 05:00 h.O Concello de Xinzo adxudicou, por 15.850 euros, o acondicionamento integral do centro social de Moreiras. A intervención financiarase con fondos propios municipais e o obxectivo é converter este inmoble nun espazo habitable e utilizable. A actuación consistirá na reparación e pintado xeral e na colocación de plaqueta. Tamén se arranxará o tellado. As obras iniciaranse nos próximos días e executaranse, segundo o Concello, con prazos axustados para que o equipamento estea dispoñible canto antes.
O alcalde, Amador Díaz, subliñou a aposta polos núcleos rurais: «Queremos que cada lugar conte cun centro social en condicións, porque son puntos de encontro, vida comunitaria e cohesión».