![](https://img.lavdg.com/sc/ZIEHMOYTLxeAgKRMiTtn74EANaI=/480x/2022/11/07/00121667835721926199405/Foto/O06N2029.jpg)
![](https://img.lavdg.com/sc/A2OnHqfPDtDKsw128t8H9VckDvc=/480x/2022/11/07/00121667835723115195592/Foto/O06N2031.jpg)
![](https://img.lavdg.com/sc/1OMdgnxRnTi8UlxOY3mkW9ZNmkc=/480x/2022/11/07/00121667835722808516779/Foto/O06N2032.jpg)
![](https://img.lavdg.com/sc/ry8RaQ5_70bcfAnt0d33_kRcsdg=/480x/2022/11/07/00121667835723908201927/Foto/O06N2033.jpg)
![](https://img.lavdg.com/sc/8RJNaNMmK8t-SAJy29fxnrulFtU=/480x/2022/11/07/00121667835723588363419/Foto/O06N2034.jpg)
![](https://img.lavdg.com/sc/KMcMEmtlIhX0cOo38aErUCe2OW8=/480x/2022/11/07/00121667835781500278495/Foto/O06N2035.jpg)
![](https://img.lavdg.com/sc/HpSGqWqNwNpRZLXoZbnK8hPeKkA=/480x/2022/11/07/00121667835781288839241/Foto/O06N2036.jpg)
![](https://img.lavdg.com/sc/OCd8nNyGjWoMqrExVkiI6AAtq8M=/480x/2022/11/07/00121667835782414661169/Foto/O06N2037.jpg)
![](https://img.lavdg.com/sc/O_UB5M3nTkYcqFhR2jtngaUn8Z0=/480x/2022/11/07/00121667835782113556425/Foto/O06N2030.jpg)
![](https://img.lavdg.com/sc/Vkz69PGjocNrrLwlkO7SG7fUeU8=/480x/2022/11/07/00121667835841066972772/Foto/O06N2022.jpg)
![](https://img.lavdg.com/sc/lnlwqdOyG8et-PeamvhzfIFVGzw=/480x/2022/11/07/00121667835842198916949/Foto/O06N2023.jpg)
![](https://img.lavdg.com/sc/uR9kfmuMedPaD0fKwnSBnWvLDVg=/480x/2022/11/07/00121667835841953485268/Foto/O06N2024.jpg)
![](https://img.lavdg.com/sc/kqoP02oQQbK8QqyxkI2dyHyR0AA=/480x/2022/11/07/00121667835843080755993/Foto/O06N2025.jpg)
![](https://img.lavdg.com/sc/6TX6KoZ3yVfx5tGT5BxTmKgyY44=/480x/2022/11/07/00121667835842833754855/Foto/O06N2026.jpg)
![](https://img.lavdg.com/sc/Gvdz_t_JiaaXrK0OS5WXgoHhqCE=/480x/2022/11/07/00121667835843712425119/Foto/O06N2027.jpg)
Copa de España de montaña O asturiano Fombona foi segundo
07 nov 2022 . Actualizado á 16:43 h.Dous de dous; dúas citas de montaña nacional consecutivas na provincia e dúas vitorias para o compostelán Jacobo Senín que, co seu espectacular barqueta Nova NP01, vencía hai unhas semanas en Valdeorras e este domingo facía o propio na comarca da Limia, con motivo da primeira Subida a Vilar de Barrio.
A Copa de España de Montaña atraeu en dúas ocasións o interese dos afeccionados galegos e de provincias limítrofes, así como do próximo norte de Portugal, co espectáculo que sempre supoñen os potentes e rápidos bólidos das probas en costa. Tras a Nova de Senín, situouse desde a xornada do sábado un vehículo de circuítos rechamante e potente como o Audi RS5 DTM do asturiano José Antonio López Fombona.
O trazado de Vilar de Barrio deixou patente a rapidez do novo circuíto en dúas xornadas ben diferentes: o sábado fixo sol e agradables temperaturas e o domingo, a néboa e a lixeira choiva complicaron as cousas aos participantes. A terceira praza final foi a mans de Jorge Pérez, cun Porsche 911 GT3 Cup e a cuarta, para o ourensán Jonathan Abadín cun Formula Outeda Barqueta. A quinta levouna o tamén ourensán Miguel Ángel Rodríguez cun Fórmula Outeda. No referente aos coches históricos foi Javier Carballo co seu Ford Escort RS 2000 o vencedor final.
A primeira Subida a Vilar de Barrio resultou todo un éxito, sendo a primeira vez que na comarca da Limia disputábase unha competición de Montaña. A Escuadra Talariño ponse a traballar xa na próxima edición dunha proba que formará parte de novo da Copa de España de Montaña 2023.
«Pisko» Ventín no Carcross de Ourense
O popular trazado de Castro de Beiro acolleu durante a fin de semana un evento novo, unha proba limitada aos vehículos de CarCross, habituais do Autocrós e os RallyMix, no que se repartían importantes premios en metálico.
O sábado, con excelentes condicións meteorolóxicas e o domingo, coa néboa e a choiva como protagonistas, as tres decenas de pilotos participantes competiron nun trazado de asfalto. Na batalla, Alfonso Ventín foi o piloto máis rápido en asfalto con este tipo de vehículos con motor de motocicleta e levou a vitoria de forma cómoda, mantendo sempre aos seus rivais baixo control.
Na primeira manga do sábado, Ventín foi secundado por Javier Ramilo, mentres terceiro clasificábase o ourensán Jesús López, e na segundo de novo Ventín era o máis rápido, esta vez con Maikel Vilariño na segunda posición e Javier Ramilo na terceira. Así Ventín se ía a descansar con dous bos cronos que lle consolidaban líder. Se o domingo non había ningunha incidencia podería asinar a vitoria final. Na xornada definitiva, xa con auga e néboa no primeira manga, era Adrián Rozados o máis rápido, sendo Ventín de novo vencedor na cuarta e última manga final. Lograba así acadar a primeira e definitiva praza final. O primeiro Master de Carcross espera ser instaurado pola Federación Galega de Automobilismo para cada final de tempada, como evento de remate do ano.