A Deputación de Ourense estuda como redeseñar o funcionamento do Pazo de Vilamarín
VILAMARÍN
O presidente provincial foi recibido polo alcalde e destacou os investimentos da institución no municipio
15 may 2024 . Actualizado á 05:00 h.Luis Menor, presidente da Deputación ourensá, realizou este martes unha visita institucional ao Concello de Vilamarín, onde foi recibido polo seu alcalde, Amador Vázquez. No acordo abordouse o «novo deseño de funcionalidade» do Pazo de Vilamarín, segundo explica un comunicado.
A Deputación e o Concello están a traballar neste proxecto de forma coordinada. O obxectivo, segundo precisou Luis Menor, é «dotar de actividades culturais, deportivas e lúdicas a este emblemático espacio».
O encontro con Amador Vázquez serviu tamén para repasar as diferentes liñas de colaboración existentes entre ambas as entidades. A Deputación, subliñou o seu presidente, investirá máis de 750.000 euros no municipio grazas ao novo Plan CooperOU, de repartición de fondos en base a criterios obxectivos.