A cociñeira Lucía Freitas departiu con tres profesionais do sector culinario
29 oct 2025 . Actualizado á 05:00 h.O Polo de Emprendemento de Verín albergou este martes a inauguración da xornada Amas da Terra. Dinamización do talento e emprendemento feminino no rural, un proxecto social, cultural e gastronómico impulsado pola cociñeira compostelá Lucía Freitas para dar visibilidade ás mulleres que forman parte do sector culinario galego.
A actividade organizouse en formato de charla taller, con dúas partes: na primeira realizáronse as presentacións do Polo, do proxecto Amas dá Terra e unha mesa redonda con emprendedoras vinculadas á terra; na segunda parte, púxose en marcha un «laboratorio» no que se debuxou a situación do sector, as súas necesidades e posibles solucións.
Na mesa redonda, ademais de Lucía Freitas, participaron Begoña Vázquez (mellor cociñeira do 2024), Antonia, Toña, Calvo (mellor produtora de pataca na segunda edición dos Premios Nacionais 2025) e Josefa Álvarez, Morena, dAs Chás (Oímbra), viticultora e membro da confraría DO Monterrei.
Á inauguración da xornada asistiu a directora xeral de Traballo Autónomo e Economía Social, Marta Mariño. Esta destacou que o Polo de Emprendemento de Verín atendeu máis de 270 iniciativas empresariais, a maioría delas relacionadas cos servizos, pero tamén houbo proxectos de agricultura, gandería, silvicultura e pesca, comercio e hostalería. Un 60% destas iniciativas foron impulsadas por mulleres, resaltou Mariño.
Despois do Laboratorio Amas dá Terra, a actividade finalizou cun micro networking.