Na categoría de turismos, Jorge Pérez foi o máis rápido
23 ago 2026 . Actualizado á 05:00 h.A primeira xornada da Subida a Taboadela deixa a Jacobo Senín como gran protagonista. Ao volante do seu Nova NP01, o piloto marcou o mellor rexistro absoluto cun tempo de 1:25.704, avantaxando en case catro segundos a Pablo Rey, segundo na categoría de monoprazas (1:29.702). A terceira posición foi para Abraham Vázquez, que situou o seu prototipo en 1:32.228, mentres Martín Villar completou o dominio das barquetas coa súa Nova Proto NP03, cuarto absoluto con 1:33.588.
Na categoría de monoprazas, Senín foi o rival para bater nos dous mangas disputadas este sábado, mentres que Rey, Vázquez e Villar completaron as primeiras posicións desta categoría. Tamén destacaron Aron Cid, sexto absoluto co Formula SMB, Yelco Álvarez, sétimo co Forwin TC5F, e Jesús López, noveno con outro Forwin. A clasificación deixa unha variedade de monturas así como unha interesante loita polas posicións de honra para a xornada de hoxe.
En coches, Jorge Pérez foi o máis rápido, marcando co seu Porsche 992 GT3 Cup un tempo de 1:35.766, suficiente para situarse quinto absoluto. Jonathan Álvarez, co Porsche 991 GT3, foi segundo entre os turismos con 1:39.064, mentres Rubén Blanco, ao volante do Mitjet Superturismo, completou o podio de coches con 1:39.917. Francisco Javier Álvarez (Volkswagen Golf GTI TCR), Javier Carballo (Porsche 991.1 GT3 Cup) e Manuel Senra (Peugeot 308 TCR) tamén se instalaron entre os mellores.