O condutor quedou atrapado na cabina, pero puido saír polo seu propio pé e está ferido leve
10 oct 2023 . Actualizado á 20:09 h.O condutor dun camión que transportaba troncos de madeira e envorcou esta tarde na estrada OU-531, no municipio ourensán de Ramirás, quedou atrapado nun primeiro momento dentro da cabina. Finalmente puido saír polo seu propio pé para recibir asistencia sanitaria. Foi trasladado en ambulancia, aínda que en principio as feridas que presenta son de carácter leve.
O vehículo circulaba por esta estrada autonómica que comunica Xinzo con Cortegada. Cando estaba á altura do quilómetro 35, no municipio de Ramirás, sufriu ás 18.40 unha saída de vía e quedou envorcado lateralmente. A carga caeu sobre un terreo, polo que non afectou á circulación. O vehículo quedou tendido sobre o carril dereito en sentido Xinzo.
Os bombeiros da Terra de Celanova foron avisados por se había que excarcerar ao condutor aínda que este ao final puido saír en por si. Acudiron ao lugar, así mesmo, patrullas da Garda Civil de Tráfico e de seguridade cidadá e un equipo de mantemento para sinalizar a estrada con sinais verticais e con semáforo ata que se retire o vehículo sinistrado.