A Confederación Hidrográfica do Miño-Sil inviste máis de 75.000 euros nos traballos de acondicionamento
12 feb 2025 . Actualizado á 05:00 h.A Confederación Hidrográfica do Miño-Sil (CHMS) continúa os traballos de conservación e mellora dos ríos da demarcación. Dúas brigadas compostas por cinco operarios traballaron esta semana en Rairiz de Veiga, nun tramo que abarca máis de seis quilómetros do río Bidueiro; e nos Blancos, en dous quilómetros do río Airoa.
Executaron actuacións que melloran a capacidade hidráulica de ambas as canles e que consisten na retirada de árbores secas, en pé e derrubados e na eliminación de tapóns que puidesen obstaculizar o paso de auga. Non se realizan rozas salvo que sexa estritamente necesario para acceder a algún exemplar cuxa retirada sexa imprescindible. O investimento estimado é de máis de 75.000 euros.