A Deputación de Ourense mellora o firme nos accesos a dúas vilas de Rairiz de Veiga
RAIRIZ DE VEIGA
Estas accións «demostran, unha vez máis, que a cooperación cos concellos é unha das grandes prioridades para este goberno», di Luis Menor
11 jun 2024 . Actualizado á 05:00 h.O presidente da Deputación de Ourense, Luis Menor, visitou este luns Rairiz de Veiga para comprobar o resultado dos investimentos realizados pola institución provincial nese municipio. En concreto, destináronse 48.000 euros para a mellora do firme nos accesos ás vilas de Barracel e Quilmelas. Alí foi recibido pola alcaldesa de Rairiz, Asunción Morgade, elixida polo PSOE nas últimas eleccións, aínda que antes formaba parte do PP. Nun comunicado, o presidente subliña que este tipo de actuacións «demostran, unha vez máis, que a cooperación cos concellos é unha das grandes prioridades para este goberno».
Ademais, Menor presidiu este luns a Xunta de Gobierno da Deputación, que deu luz verde a máis de 600.000 euros en axudas a concellos e outras entidades. Aprobouse, entre outras cousas, a reapertura do concurso para financiar actividades escénicas e musicais tras ser ampliado o presuposto, que se esgotou.