Catro integrantes do Centro Deportivo Couto participaron con algúns dos convocados para o próximo mundial cadete e o europeo júnior de taekuondo
05 ago 2023 . Actualizado ás 05:00 h.O Centro Deportivo Couto tomou parte activa na organización dunha concentración en Manzaneda con case un centenar de deportistas chegados de Murcia, Comunidade Valenciana e Aragón, así como a selección galega Júnior xunto a deportistas cadetes e Sub 21.
Na mesma integráronse tamén catro competidores do club ourensán, que puideron traballar con algúns dos mellores especialistas das súas categorías. Foi o caso de Julio Iglesias e María Ferreiro, entre os sub-21, así como Antía Rodríguez e Hugo maya, no grupo júnior.
Comeza así a preparación desta tempada para a maioría e sobre todo de cara ao mundial cadete e europeo Júnior que se celebran a finais do presente agosto, que puideron apurar a súa posta a punto en Manzaneda. Polo que respecta aos ourensáns, apuntan a outros obxectivos a medio prazo.