O verán de Manzaneda entre actividades deportivas e musicais
04 ago 2023 . Actualizado ás 05:00 h.Esta fin de semana, a estación de montaña de Manzaneda ten unha cita coa música co grupo Faylinn o sábado 5, no marco do ciclo «Elas Cantan». Cun repertorio animado e participativo, esta formación ourensá de pop-rock interpretará temas de artistas como Sting ou Luz Casal. O ciclo conta con máis citas musicais o día 12 co dúo Alo Jazz e o 26 cos artistas de Two in the mirror.
A programación estival tamén se estende ao ámbito deportivo, que arrincará co Marcha Ciclista CicloSil o 12 de agosto. Outras propostas na axenda de actividades da Estación de Montaña de Manzaneda son a Gladiator Infantil o día 19 de agosto, e a Marcha Ciclista Federación, o domingo 3 de setembro. A iso tamén se suman as ofertas de lecer que a propia estación mantén durante o verán.