Saen a concorrencia competitiva as 72 parcelas do polígono agroforestal de Cualedro

O Diario Oficial de Galicia (DOG) publicou o 28 de abril a aprobación do polígono agroforestal de Cualedro, así como os pregos que regulan o procedemento de concorrencia competitiva para seleccionar as propostas que se desenvolverán nas súas parcelas. Este polígono foi impulsado ao amparo da Lei de recuperación da terra agraria de Galicia. Abarca unha superficie de 64 hectáreas, distribuídas en 72 parcelas pertencentes a 70 titulares catastrais. A súa actividade principal será a gandería extensiva, combinada con cultivos complementarios á explotación, aos que se poderá engadir tanto o cultivo agrícola como a plantación de árbores para a obtención de froito.

As persoas interesadas en alugar ou adquirir algunha das parcelas deberán cumprir unha serie de requisitos de participación, entre os que se inclúen criterios de solvencia económica, técnica e profesional, así como a constitución de garantías que aseguren o cumprimento da proposta presentada. Ademais, aplicaranse criterios de avaliación para seleccionar as mellores iniciativas e estableceranse as obrigacións dos participantes e adxudicatarios. O prazo habilitado para a presentación de solicitudes será de 15 días hábiles despois do día seguinte á publicación da resolución no DOG. As propostas poderán presentarse a través da sede electrónica da Xunta de Galicia

---

---

---