A exposición reúne catro viaxes realizadas en distintos países de catro continentes
03 may 2026 . Actualizado á 05:00 h.Ata o 6 de xullo • A Casa dous Poetas de Celanova acolle a exposición «Destino. Unha peregrinación de Manuel Valcárcel», unha mostra centrada na fotografía documental como ferramenta narrativa. Poderá visitarse de martes a venres en horario de 10.00 a 14.00 e de 16.00 a 19.00 horas. A exposición reúne catro peregrinacións realizadas en distintos países de catro continentes —Tíbet, Senegal, México e Galicia—, conectadas por un fío común ao redor do destino e a procura de respostas a cuestións universais. A través das imaxes, abórdanse temas como a familia, a emigración, o envellecemento, a sustentabilidade e o fogar. A mostra forma parte dun programa cultural itinerante, de Afundación, que percorre diferentes localidades.