O PSOE viu apoiada a súa moción que insta a facer trámites para conseguir a titularidade pública da torre de Sande
20 feb 2021 . Actualizado ás 05:00 h.O pleno de Cartelle aprobou unha partida de doce miles euros para axudar aos catorce establecementos de hostalería do municipio. Entregaránselles 300 euros a cada un este mes e, se o peche se prolonga, usarase esa partida de doce miles euros ata que se esgote.
O pleno aprobou, por unanimidade, a moción do PSOE para que o Concello inicie trámites para lograr que a torre de Sande sexa pública. O PSOE agarda que se dean pasos para rehabilitar o monumento, actualmente en ruínas. O portavoz do PSOE, Jesús Pereira cualificou a xornada de moi importante «xa que por fin poderemos recuperar e pór en valor unha das nosas xoias patrimoniais».
O rexedor, Jaime Sousa, explicou que xa se realizaron contactos coas herdeiras do inmoble o verán pasado pero que non se lles puido dar continuidade debido á pandemia. O alcalde de Cartelle indicou que as negociacións se retomarán cando se poida e que a familia propietaria, de inicio, é receptiva á cesión da edificación. Despois, a torre necesitará un gran investimento de institucións e das distintas administracións para a súa restauración.