Arde unha fábrica de compoñentes para automóbiles e desaloxan unha residencia de anciáns na Rúa

O lume que se iniciou o pasado mércores en Larouco segue avanzando pola comarca de Valdeorras sen control e este venres obrigaba a cortar temporalmente a N-120 ao seu paso pola Rúa á primeira hora da tarde. Precisamente ao bordo desa estrada está a residencia de Vos Piñeiros, da que foron desaloxados 120 residentes. Os maiores foron trasladados a outros centros residenciais da Fundación Valdegodos en Vilamartín. Finalmente tomouse a decisión de confinar aos veciños dos pobos de Carballal, en Petín, e o de Roblido, na Rúa.

O vento provocou que, á primeira hora da tarde deste venres o incendio conseguisen cruzar a fronteira entre ese municipio e o da Rúa. O lume avanzou con rapidez cara á ladeira do núcleo de Robledo e acadou a zona do polígono empresarial onde prendeu lume a nave dunha empresa dedicada a fabricar materiais para a automoción. Toda a cuberta foi consumida polas chamas. Nunha empresa de escavación próxima, os propietarios conseguiron sacar todos os camións gardados no interior, mentres os bombeiros (o parque comarcal está nesa mesma zona) intentaban frear o incendio.

Da zona do incendio saía unha densa fumareda negra que puxo en alerta aos veciños, ante unha potencial toxicidade. Confirmábao o propio Concello da Rúa, que emitía un aviso aos móbiles dos veciños alertando dunha nube tóxica procedente da entulleira de inertes e residuos da construción que hai na zona e que tamén foi acadado polo lume. Na alerta pedíase aos veciños da Rúa que evitasen saír das súas casas na medida do posible.

O avance do lume puxo en alerta tamén ao municipio limítrofe de Vilamartín de Valdeorras. Tamén aquí pediuse aos veciños da parte máis alta do concello e nos núcleos máis próximos aos límites coa Rúa que extremen as precaucións. A esta situación súmase o corte doutras estradas na zona:

Os efectos deste incendio tamén se están notando nos servizos de telefonía e complican as comunicacións. En Valdeorras hanse quedado sen sinal algunhas compañas telefónicas e tampouco dispoñen de conexión a internet.

 Cortada a vía de León a Monforte e a A-52 ata Benavente

ADIF informaba tamén o corte da rede ferroviaria entre León e Monforte debido precisamente ao salto do incendio cara a Rúa. O tramo afectado é o que está entre as estacións de Vilamartín e San Clodio. Este avance do incendio de Larouco empeora aínda máis a situación que xa vivía a comarca de Valdeorras, que leva alagada de fume varios días xa que neste val do oriente ourensáns confluíu o que procedía dAs Medulas e o de Chandrexa e Vilariño que acadou Manzaneda.

Pola súa banda, a Garda Civil informaba tamén doutros cortes de estrada durante a tarde debido ao avance dos focos de lume. O máis preocupante foi o que afectou á A-52. Cortouse entre Riós e Benavente, o que provocou de novo un embotellamento de vehículos. Volveu reabrirse ás oito da tarde. Tamén foi necesario cortar puntualmente a OU-533 e a N-525

---

---

---