O Carballiño e Maside acollerán a 200 xogadores en Campionato Galego de Seleccións Comarcais de Fútbol sala
OURENSE
A competición disputarase en categoría infantil, alevín e benxamín, buscando praza nas finais de Marín
03 dic 2025 . Actualizado á 05:00 h.O Carballiño será sede do Campionato Galego de Seleccións Comarcais de Fútbol sala o vindeiro luns 8 de decembro. Máis de 200 xogadores de 20 equipos das categorías infantil, alevín e benxamín competirán neste grande evento deportivo para xogar a fase final, que terá lugar en Marín o 22 de decembro. A cita, impulsada pola Real Federación Galega de Fútbol, conta coa colaboración da Xunta de Galicia, Deputación de Ourense, Concello do Carballiño, Concello de Maside e Club Carballiño Fútbol sala.
Julio Mougán, presidente do Comité Galego de Fútbol sala, invitou á poboación para gozar da cita deportiva e detallou as claves do campionato. As 20 seleccións participantes xogan en formato todos contra todos e só se clasifican os dous primeiros de cada categoría para a fase final.
Os 20 equipos participantes correspóndense coas categorías: infantil masculino, alevín masculino, benxamín mixto, infantil feminino e alevín feminino.