Novecentos euros de multa e un ano sen carné por conducir borracho despois de beber alcol e ter un accidente

Unha multa de 900 euros e a prohibición de conducir vehículos durante un ano e un día. Así se resolve penalmente un caso xudicial orixinado nun accidente de tráfico no que, o condutor implicado, deu positivo en alcol. Lonxe de discutir o resultado do test, o automobilista asumiu a súa culpa ante a maxistrada e conseguiu un acordo que implica unha condena menos severa que a que se pedía inicialmente para el por un incidente ocorrido na madrugada do 4 de agosto do 2023 nas inmediacións do Barco. O acusado, que bebera alcol, púxose o volante do seu coche, pero non logrou manter o control e tras circular varios metros saíuse da calzada. Guindou unha taxa de alcol de 0,61, que supón un delito viario.

---

---

---