Rescatan a dous turistas que facían sendeirismo na Ribeira Sacra tras quedar atrapados ante un desnivel de vinte metros de altura
OURENSE
A Garda Civil usou arneses para que os excursionistas puidesen saír dun desnivel
23 may 2025 . Actualizado á 13:07 h.O Grupo de Montaña da Garda Civil (Greim) rescatou a pasada noite a dous turistas que se perderon mentres realizaban unha ruta de sendeirismo na Ribeira Sacra. Atopábanse nas proximidades de San Xoán de Cachón, no concello ourensán de Nogueira de Ramuín, a uns 40 minutos do Parador de Santo Estevo, onde estaban aloxados. Alertaron ás autoridades indicando que non podían seguir a súa marcha ao estar ante unha rampla e que, aínda que podían ver unha estrada, non conseguían baixar.
Ata o lugar dos feitos acudiron unha patrulla da Garda Civil de Ourense e Protección Civil de Nogueira de Ramuín. Finalmente, foi o Greim o que tivo que intervir para axudar aos excursionistas para salvar unha rampla duns 20 metros de desnivel.
Os axente colocaron aos turistas uns arneses e descendéuselles ata a estrada usando un sistema de retención nunha árbore. Foron evacuados ao redor das 23.45 horas. Mentres se estaba realizando a evacuación chegaron os voluntarios de Protección Civil que, unha vez que os excursionistas estaban a salvo, levaron ata o Mosteiro de San Estevo.