Poden participar tanto estudantes como profesores de toda España
27 feb 2024 . Actualizado á 05:00 h.Galiciencia, a feira científica de Galicia que se celebra no Parque Tecnolóxico de Galicia, situado en San Cibrao das Viñas, ten aberto o prazo de presentación de orixinais para o concurso de fotografía a través de Instagram. O certame é complementario á feira científica que se celebra en maio e, por tanto, a temática das instantánea debe seguir o lema elixido para esta edición: «Mellor, de madeira». O concurso está aberto tanto a alumnos como a profesores dos niveis de ESO, bacharelato e FP de toda España. Segundo as bases, as fotografías poden ser tanto en branco e negro como en cor, e fíxase un límite de tres por participante. Teñen que estar presentadas antes do 15de abril e a resolución do xurado farase pública o 12 de maio, coincidindo coa entrega dos premios Galiciencia 2024.