Un total de 775 persoas renovaron o seu abono no Racing de Ferrol no primeiro día de campaña

Ás dez e media desta mañá arrincou a nova campaña de abonados do Racing de Ferrol para a próxima tempada, na que os ferroláns competirán no grupo primeiro da Primeira Federación. Aínda que todo pode facerse de forma telemática, esta mañá tamén houbo xente que pasou polas oficinas do Racing na Malata para deixar listo o seu carné. Non houbo as colas do ano pasado, ás dez da mañá apenas había dez ou quince persoas nas portas de acceso ás oficinas do Racing.

Desde a xornada de hoxe ata o día 3 de agosto (ambos os incluídos) establécese un período para que os abonados da tempada 24/25 poidan renovar o seu abono mantendo o asento que tiñan asignado o pasado exercicio. A partir desa data, liberaranse os asentos daquelas persoas que non procedesen á renovación. Para posteriormente poder cambiar de localidade, é absolutamente imprescindible renovar con anterioridade o abono durante a primeira fase. En canto á tramitación, pode ser en liña: A través da ligazón https://racingclubferrol.compralaentrada.com/abonos/renovar. O carné renovado dixitalmente debe ser descargado polo abonado seguindo as indicacións enviadas ao correo electrónico no momento da compra despois do 9 de agosto, cando finalice a fase de cambio de localidade.Para as noves altas haberá que agardar ata o día 12 de agosto.

Os prezos son os mesmos que na pasada tempada na Segunda División.

Ás sete desta tarde, a cifra de abonos renovados era de 775, aínda que se pecharon as oficinas do club, a renovación telemática está aberta as 24 horas do día

---

---

---