Xoga na posición de lateral esquerdo e procede dA Ponferradina
03 jul 2025 . Actualizado á 22:48 h.O Racing de Ferrol incorpora ás súas filas como reforzo para a próxima campaña na Primeira Federación ao berciano Álvaro Ramón, un lateral esquerdo que chega desde a Ponferradina.Álvaro Ramón (Ponferrada, 2000) será xogador racinguista na tempada 2025/26. O club chegou a un acordo co futbolista berciano para que se poña ás ordes de Pablo López o próximo 16 de xullo. Lateral esquerdo con gran potencial físico, destaca polo seu ritmo alto e a súa capacidade asociativa, así como de centro.
Álvaro Ramón procede da SD Ponferradina, na que militou a última campaña e coa que xogou polo ascenso a LaLiga Hypermotion ata a última eliminatoria, nunha campaña na que disputou 36 encontros, 26 deles como titular, con 2.541 minutos e dous goles.
Ponferrada foi o seu último destino para unha carreira que se desenvolveu principalmente en Segunda División B e Primeira Federación. Así, tras formarse na canteira do CD Cuatrovientos e pasar polas categorías de base da Ponferradina, chegou ao Real Club Celta para formar parte do seu equipo xuvenil de División de Honra. De aí deu o salto á Celta Fortuna na tempada 2019/20. Na seguinte, aínda como parte do club olívico, xogou cedido no Navalcarnero.
Dous anos no Mérida AD, co que conseguiu o ascenso de Segundo a Primeira Federación na súa primeira tempada, permitiron gañar experiencia e explotar de forma definitiva. Tamén lle abriron as portas do CD Arenteiro, no que militou na campaña 2023/24, con gran continuidade e regularidade.
Tras a súa experiencia no Carballiño, volveu a “casa”, á SD Ponferradina, onde tivo un destacado papel.
O futbolista berciano acumula grande experiencia en Segundo B e Primeira Federación, con 122 partidos e máis de 9.300 minutos na categoría.