O granadino Álvaro Moreno Aragón pitará o partido do Racing de Ferrol en Valencia

O árbitro granadino Álvaro Moreno Aragón será o encargado de dirixir o partido entre o Levante e o Racing de Ferrol, previsto para o luns ás oito e media da tarde no Ciudad de Valencia. Será a oitava ocasión na que o andaluz dirixe un partido ao equipo ferrolán. Na pasada tempada dirixiu o partido Racing-Eldense, 1-1 e o Racing-Huesca, que acabou cun tenteo de 1-2.

O granadino, de 34 anos, afronta a súa oitava tempada de liga na Segunda División, categoría á que chegou con só 27 anos. O encargado do VAR será o cántabro José Antonio López Toca.

---

---

---