Álvaro Giménez, Fran Manzanara e Brais Martínez seguen de baixa no Racing de Ferrol

Tras descansar na xornada do domingo e martes e facer traballo de ximnasio na xornada de luns, o Racing comezou a preparar hoxe mércores no campo da Gándara o partido na casa do Levante, previsto para o vindeiro luns ás oito e media da tarde no Ciudad de Levante.

Luis Perea, que xa se incorporou ao traballo co grupo, foi a gran novidade na sesión de traballo desta mañá, mentres que Fran Manzanara, Álvaro Giménez e Brais Martínez segue traballando á marxe do grupo.

Menéndez indicou a pasada semana que o previsto é que Brais Martínez comezase a traballar co grupo, aínda que non foi así. O lateral esquerdo de Baiona sae dunha longa lesión, pero xa encara a recta final da súa recuperación. É o único lateral esquerdo nato e o equipo necesítao.

---

---

---