O Peugeot 2008, fabricado en Vigo desde o 2019, xa matriculou no mundo 700.000 unidades e agora aborda un redeseño con importantes melloras estéticas e funcionais e que amplía a autonomía da súa versión eléctrica ata 406 quilómetros.
14 may 2023 . Actualizado ás 05:00 h.O novo Peugeot 2008 comezará a comercializarse nos concesionarios a partir deste verán, con motores de gasolina Pure Tech de 100 e 130 cabalos, ademais dun diésel BlueHDI de 130 coa caixa automática EAT8. Pero o seu motor estrela sin duda será o do E-2008, a versión eléctrica, cuxa potencia máxima se verá mellorada nun 15 % (pasará de 136 a 156 cabalos) posto que o seu batería tamén se ve revitalizada ao pasar de 50 a 54 kWh. Con esta novidade, a autonomía do modelo, que ata agora estaba limitada a 345 quilómetros, pasará a dispor de 406 no ciclo WLTP.
Peugeot anuncia tamén que o próximo ano engadirá un novo motor ao catálogo do 2008. Tratarase dun híbrido autorrecargable de 48 V sobre o motor Pure Tech de gasolina de 136 cabalos de nova xeración. Irá axustado a unha caixa de cambios de seis velocidades. Grazas á batería que se recarga sobre a marcha, reduce o consumo de combustible un 15 % cando se utiliza en cidade.
Á marxe das melloras nas súas motorizacións, este novo Peugeot 2008 recibe importantes modificacións estéticas. Aprécianse no seu frontal, coa nova firma lumínica con tres garras verticais a ambos os dous lados do capó, así como os faros Full LED de tres módulos de luces. O frontal conta co novo emblema de Peugeot e nas versións Allure e GT a cor da grella é igual ao da carrocería. As lamias son de novo deseño e con medidas entre 16 e 18 polgadas.
No interior segue dominando o i-Cockpit de volante pequeno, pero agora cambiarase a instrumentación dixital que vai tras el. Será de 10 polgadas e con efecto 3D no acabado GT, característico agora na marca. O que si será de serie en toda a gama é a pantalla central táctil, tamén de 10 polgadas, onde se controlarán as funcións de radio e teléfono, así como o navegador. O sistema incorporado para manexala é o I-Connect, que reproduce os teléfonos de forma inalámbrica, e en navegación trabállase agora coa firma TomTom. Nas versións altas incorpóranse tres tomas de USB-C na consola central e nos asentos traseiros, así como cargador de móbiles por indución.