No último trimestre o valor hase disparado un 21 %
09 may 2021 . Actualizado ás 05:00 h.No último trimestre do 2020 a venda de casas no Porto aumentou e o seu valor de compra disparouse un 21 %, segundo os datos facilitados esta semana polo Instituto Nacional de Estatística portugués (INE). Na rexión de Lisboa, por exemplo, os prezos da vivenda creceron un 9.6 %, menos da metade, e situáronse en 1.638 euros por metro cadrado, fronte aos 1.288 euros que se rexistran na área metropolitana do Porto. O prezo medio das casas en Portugal está en 1.188 euros por metro cadrado. Segundo o INE, o aumento medio do país foi do 7,8 %. Os datos xeraron optimismo no sector inmobiliario luso, despois de varios trimestres de desaceleración por causa da pandemia.