Xogará o ascenso á Segunda Federación ante Pulpileño ou Santomera
07 jun 2025 . Actualizado á 21:34 h.A Sarriá disputará a final nacional do play-off de ascenso á Segunda Federación, e farao ante o vencedor da eliminatoria do fútbol murciano que disputarán este domingo (19.00 horas) nO Limonar os equipos do Atlético Pulpileño e do Santomera. Na ida, o partido acabou con empate (0-0).
Os discípulos de José Antonio Rodríguez estarán nesa final despois de gañar ao Estradense este sábado por 0-2. Na ida, o choque acabara tamén 2-0 a favor dos sarriáns, polo que no cómputo global, o marcador foi de 4-0.
O gran protagonista do partido que xogou na Estrada foi o porteiro da Sarriá, Pirot, que parou un penalti ao dianteiro local Jaichenco. Esta acción, no minuto 28, unida á expulsión por dobre cartón amarelo de Gamarra foron determinantes para o desenvolvemento e o resultado final do partido.
O choque comezou con intensidade, cun Estradense que levou o peso e o dominio. Os pontevedreses presionaron moi amais aos visitantes para evitar que despregasen o seu xogo e aproveitasen as súas vertixinosas transicións. A primeira ocasión local chegou aos nove minutos por medio de Gamarra, pero a máis clara produciuse seis minutos despois, momento no que Porrúa roubou o balón a Piay na área, pero o seu disparo saíu lixeiramente desviado da meta da Sarriá.
O partido discorreu con posesións curtas e imprecisións. Pero a Sarriá avisou aos 23 minutos cun oportunidade de Boedo a pase de Susavila, que cortou Jaichenco. Minutos despois, o dianteiro foi derrubado por Jacobo na área, e o árbitro decretou penalti. Errou Jaichenco, tras unha boa intervención de Pirot. Tres minutos despois chegou a expulsión de Gamarra, golpe que acusaron os locais.
E no minuto 37 chegou o 0-1. Unha xogada ben trenzada por Diego Rey e Azael, este último asistiu a Boedo, que non perdoou. Puido empatar Bellido para o Estradense, pero o seu remate con Pirot no chan saíu fóra. O que non perdoou foi Millán, que aproveitou unha asistencia de Jacobo para pór o 0-2. Ese gol pechaba practicamente a eliminatoria.
Na segunda parte, a Sarriá puido marcar aos 15 segundos, pero Azael non acertou. O Estradense non se rendeu, pero cada ocasión que tivo atopouse cun muro na figura de Pirot. A Sarriá xa está na final.
?
Coke; Ander, Landeira, Elías, Carabán; Rulo, Brais Vidal, Mella, Porrúa; Gamarra e Jaichenco. Tamén xogaron Fontes, Rey, Sergio Prieto, Brais Calvo e Óscar López.
?
Pirot; Susavila, Piay, Maxi, Martín; Jacobo, Keko, Millán, Azael; Diego Rey e Boedo. Tamén xogaron Santi Gegunde, Vilela, Guitián, Miguel e Brais.
GOLES: 0-1, min.38, Boedo; 0-2, min.45, Álex Millán.
ÁRBITRO: Ramón Collado Fernández. Expulsou ao futbolista do Estradense, Gamarra, no minuto 31 por dobre cartón amarelo. Amoestou ao futbolista do Estradense Marcos Mella e aos da SD Sarriá Martín López, Rubén Vilela e Guitián.
INCIDENCIAS: Uns 200 afeccionados acompañaron á Sarriá.