PP e PSOE preséntanse nos 67 concellos e loita no partido xudicial da capital
23 abr 2019 . Actualizado ás 08:27 h.Aínda non se celebraron as eleccións xerais deste domingo e xa estamos inmersos nas municipais do 26 de maio. Onte pechouse o prazo para presentar nas xuntas electorais de zona candidaturas a estes comicios, e ata última hora da tarde de onte os partidos e formacións seguían presentando os documentos. Polo menos trece formacións concorren ás municipais da capital provincial, marca desde 1977. 13 candidaturas na capital de provincia
Só en 1987 ocorreu algo similar. A fractura ideolóxica verase explícita na capital provincial, coa presenza de ata 13 candidaturas. No que levamos de recente democracia o ano con máis listas foi 1987, con 12; sendo no 2007 os comicios con menos candidaturas presentadas, cinco. A particularidade de Lugo é que ademais das seis formacións que xa hai na corporación (PP, PSOE, BNG, Lugonovo, C's e ACE) sumaranse agora unha lista de Podemos, que encabeza Josito Pérez; repetirá Lugo Foro Independente (decisivo nas do 2015 ao restar votos ao PP) con Ildefonso Saavedra; e entrarán en liza de Vox, coa enxeñeira Sonia Teijeiro; Compromiso por Galicia, co atleta Manuel Furtado; e o partido de Manuel Martínez, Galicia Sempre, que encabezará a profesora Carmen González e que inclúe a Julio Galego (UPyD no 2015). A estas once hai que sumar o Partido Animalista e Converxencia 21.
pp e psoe nos 67 concellos
O PSOE renova 18 candidatos e o PP en ata 26 concellos. Finalmente tanto o PP, que preside en Lugo Elena Candia, como o PSOE, que dirixe Álvaro Santos, conseguiron pechar lista nos 67 concellos da provincia, algo que demostra a súa implantación, ademais de que apostan por gobernar a Deputación. Os candidatos socialistas que se presentan por primeira vez son os de Becerreá (Ana Isabel Rubinos), Begonte (Susana Ferreiro), Castro de Rei (José Luis Castro), O Corgo (Francisco Otero), Foz (Francisco Cajoto), Friol (Anxos Martínez), Guitiriz (Marisol Morandeira), Guntín, (José Antonio López Varela), Monterroso (Rafael García), Outeiro de Rei (María del Carmen Acacio), Pantón (Mario Sánchez), Paradela (Roberto Díaz), Ribadeo (Marta García), Riotorto (José García), Sober (Eladio Fernández), Taboada (Roi Rigueira) e Triacastela (Carlos Gayo). No resto de 50 municipios repite o mesmo cabeza de lista ou o mesmo alcalde, como o caso de Lara Méndez por Lugo.
Pola súa banda, no PP, haberá cambios en polo menos 26 municipios, destacando as retiradas de históricos como Guntín (Jesús Carreira en favor de María José Gómez), O Corgo (Felipe Labrada entra por José Antonio Ferreiro) ou O Páramo (Verónica Arias por Gumersindo Rodríguez). Serán alcaldables por primeira vez os populares de Lugo (Ramón Carballo), Meira, Monforte (Katherinie Varela), Monterroso, Ourol, A Pastoriza (José Bouso), Pol, A Pontenova, Lourenzá, Muras, O Incio, Samos, O Saviñao (Juan Carlos Armesto), Ribadeo (Daniel Vega), Viveiro (Óscar Rodríguez), Cervantes, A Fonsagrada, Burela, Chantada (Manuel Varela), entre outros. En Vilalba preséntase o actual alcalde, Agustín Baamonde.
partido xudicial de lugo
O disputado voto para entrar na Deputación. Vendo onde se presentan as candidaturas do resto de formacións é evidente que loitan por conseguir algún dos 12 deputados do partido xudicial de Lugo e así poder entrar na Deputación. Cidadáns presenta lista en Lugo, Sarria, Outeiro de Rei, Láncara e O Corgo. Olga Louzao afirma que C's «quere facer as cousas ben, non presentarse por presentarse nin a calquera prezo», pero é evidente que xogan a optar a un deputado. No resto da provincia só van a Burela e Monforte. E Martínez tamén o intenta con Galicia Sempre en Lugo, Becerreá, Meira e Sarria. O BNG, que obtivo deputado no 2015, preséntase con 28 candidaturas na zona centro e montaña de Lugo, e en oito municipios do sur provincial. Na Mariña ata última hora de onte intentaban pechar candidaturas na maioría dos concellos, salvo Ourol.
resto de formacións
División na esquerda e o nacionalismo. Compromiso por Galicia anunciaba onte a súa intención de presentar candidatos en dez concellos, entre eles Monterroso, co que fose edil do BNG Xavier Vázquez. En Marea chegará ata oito municipios. E a marca Son En Común (Podemos xunto con EU e Anova) estará en tres concellos, entre eles Vilalba Aberta, co actual concelleiro Modesto Renda.
independentes
Rábade, Monterroso, Guitiriz. O alcalde Francisco Fernández Montes volverá ser o candidato independente de Rábade; mentres que no municipio da Ulloa preséntase o exalcalde socialista Antonio Gato; en Guitiriz concorre o actual concelleiro Jordi Blengua, e Foro Lugo Independente preséntase en Lugo e Outeiro de Rei con Ildefonso Saavedra e María Ron Villar, respectivamente. Finalmente INTA non irá en Monterroso.