A Policía Local interrompeu un botellón nas costas do parque
07 ene 2021 . Actualizado á 12:13 h.A Policía Local de Lugo tramitou o día 5 varias denuncias por fumar sen respectar a distancia de seguridade no centro histórico. As denuncias chegaron tras controis en Lugo cidade que se estableceron para cumprir as normas da Xunta, que as impuxo como consecuencia da pandemia de covid-19. Dentro da vixilancia nestes tempos de coronavirus, no centro histórico lucense montáronse varios dispositivos.
Doutra banda, sobre as oito da tarde do día 5 descubriuse nas costas do parque un botellón. Había un grupo de mozos, que foron identificados e entre os que se descubriu unha menor de idade. Os axentes requisaron bebidas alcohólicas e refrescos e avisaron á nai da menor.
Horas despois, á rúa Bidueiro desprazouse unha patrulla policial polos ruídos dunha casa que impedían descansar a veciños da zona.