O GES de Friol, que dá servizo a cinco municipios, ten a súa sede nunha nave do Concello
FRIOL
O alcalde friolense destaca que se gañou en protección fronte a casos de urxencia
19 ago 2022 . Actualizado ás 10:33 h.O Grupo de Emerxencias Supramunicipais (GES) friolense está xa en marcha para dar cobertura a cinco municipios (Outeiro de Rei, Begonte, Guitiriz e Palas de Rei ademais de Friol ). A súa sede está situada nunha das naves do edificio multiusos do Concello, e o persoal está composta por doce persoas. O grupo achégase ás dúas semanas de actividade, pois comezou o seu funcionamento o 8 de agosto. Para o mantemento do grupo hai un financiamento anual da Xunta que ascende a 272.000 euros anuais.
O traballo que está previsto para este grupo de urxencias é moi variado, pois abarca desde a intervención en incendios urbanos ata tarefas derivadas de inclemencias meteorolóxicas pasando pola retirada de niños de velutinas ou colaboración en materia de protección civil.
A actividade cobre un oco, pois Friol, Begonte e Guitiriz dependían do GES con sede nese último municipio, cuxo traballo cesou hai anos envolto en litixios xudiciais de persoal que acadaron á alcaldesa e ao secretario do Concello. O alcalde de Friol , José Anxo Santos, asegura que os cinco concellos incluídos no GES están agora máis protexidos.