O incendio tivo lugar na parroquia de Becín, preto da casa do dono do vehículo
26 nov 2025 . Actualizado á 18:20 h.Un turismo ardeu na madrugada deste mércores en Guitiriz. O sinistro orixinouse pouco despois de que o dono chegase á súa casa, que situada na parroquia de Becín, e deixase o coche aparcado preto da vivenda. Pasada a unha da madrugada, estando xa dentro de casa, sentiu unha pequena explosión, saíu a ver o que ocorría fóra e atopouse con que o turismo estaba a arder.
Con axuda de veciños empezou as tarefas de extinción, usando para iso mantas e extintores. Logo chegaron ao lugar persoal de Protección Civil de Guitiriz e da Garda Civil, e tamén se mandou aviso aos bombeiros do parque de Vilalba. No entanto, logo informóuselles de que non era necesario que chegasen a Becín, posto que o traballo de extinción conseguírase. O turismo sufriu graves danos ata quedar practicamente inutilizado.
As causas do incendio non estaban claras. Podería orixinarse no motor ou quizá nos freos, pero os efectos do incendio foron devastadores para o coche.