A Asociación Española Contra o Cancro en Lugo organiza a carreira e andaina o vindeiro sábado 12 de abril na Praza da Horta do Seminario
02 abr 2025 . Actualizado á 17:07 h.A Asociación Española Contra o Cancro en Lugo volve organizar a súa camiñata e carreira co obxectivo de concienciar sobre a importancia dun estilo de vida saudable para a prevención da enfermidade. Na liña de destacar a importancia de seguir unha alimentación adecuada e unha actividade física, organizan a cita o sábado, 12 de abril, na Praza da Horta do Seminario, como unha actividade lúdico e deportiva con dúas modalidades de participación: unha andaina e unha carreira.
A andaina, que dará comenzo ás seis da tarde polo adarve da Muralla, estará aberta a todas as idades, mentres que a carreira de 5 quilómetros para adultos e as carreiras para nenos serán a partir das sete da tarde. Ambas terán como punto de inicio e chegada a Praza da Horta do Seminario. As inscricións para participar na carreira e andaina pódense facer dende a web e presencialmente, na Sede da Asociación, en Carril dos Loureiros 17, 27002.
Os prezos das inscricións varían en función da categoría e serán de cinco euros para os menores que queiran tomar parte na carreira e de dez para os adultos. No caso da andaina, o prezo será de cinco euros para menores e dez euros para adultos. As persoas que queiran colaborar pero non podan participar, teñen a posibilidade de pagar un dorsal cero, unha inscrición solidaria coa doazón elixida.
Todo o que se recade destinarase a seguir mellorando a vida das persoas con cancro e as suas familias, e a impulsar a investigación oncolóxica, na liña de lograr un 70 % de supervivencia no ano 2030. A recollida de dorsais e camisetas será o venres 11 de abril de 16.00 a 19.30 horas e o sábado 12 de abril de 11.00 a 13.30 horas na sede da Asociación. Tamén se poderá facer o sábado pola tarde a partir das 15.00 na Praza da Horta do Seminario.
Este evento deportivo está subvencionado por a Vicepresidencia da Deputación de Lugo; e colabora o Concello de Lugo, Xunta de Galicia, Caixa Rural Galega, Torvar, Solán de Cabras, Alibós, CSIF, Lugo Motor, Gadis, Galletas Daveiga, Club Fluvial e Be One Vicepresidencia da Deputación de Lugo; e colabora o Concello de Lugo, Xunta de Galicia, Caixa Rural Galega, Torvar, Solán de Cabras, Alibós, CSIF, Lugo Motor, Gadis, Galletas Daveiga, Club Fluvial, Be One y Rivera Polusa.