O tramo que pasa por Ou Fiouco está pechado por falta de visibilidade, e o tráfico desvíase pola N-634
07 jun 2024 . Actualizado á 11:40 h.A néboa obrigou, unha vez máis, a pechar ao tráfico nos 16 quilómetros máis complicados da A-8 en Galicia. O tramo da autovía do Cantábrico comprendido entre Arroxo (Lourenzá) e A Xesta (Abadín) está cortado na mañá deste venres por falta de visibilidade. A alternativa é o desvío dos vehículos pola estrada N-634, na que tamén se nota, sobre todo nos últimos quilómetros de subida de Mondoñedo á Xesta, a abundancia da néboa.
Nos últimos anos, nos 16 quilómetros da A-8 agora pechados ao tráfico tomáronse medidas, como a colocación de balizas, para potenciar a visibilidade, o que permitiu reducir as horas nos que a circulación se interrompía. Con todo, en días como este venres a visibilidade é tan reducida que a autovía queda cortada ao paso de vehículos.
O tramo polo que este venres non se pode circular inclúe o paso polo alto de Ou Fiouco (A Pastoriza), que cos seus 698 metros marca a máxima altitude da autovía do Cantábrico en todo o seu percorrido polo norte peninsular.