Rescatados dez excursionistas atrapados na neve nos Ancares, entre eles un neno de dez anos
LUGO
Varios equipos de emerxencias localizáronos nun monte de Cervantes ás once da noite, cansos e asustados, pero en bo estado
25 feb 2024 . Actualizado á 16:31 h.Un grupo de dez excursionistas tiveron que ser rescatados ao quedar atrapados na neve tras perderse nunha zona da reserva natural dos Ancares, no municipio lucense de Cervantes. Entre os sendeiristas había un menor de dez anos de idade.
Segundo o 112, foi ao fío das 20.30 horas do sábado cando recibiron a chamada de Protección Civil e deron aviso á Garda Civil de Becerreá e Cervantes e aos Bombeiros.
Un terreo de difícil acceso
Aos poucos/pouos minutos, os axentes informaron que xa localizaran ás persoas, pero que aínda non fosen capaces de chegar onde estaban. Con todo, pasadas as 22.00 horas os sendeiristas foron rescatados e non foi necesaria a intervención dos Bombeiros.
Todos se atopaban en bo estado, aínda que cansos e asustados, ningún necesitou asistencia sanitaria e foron trasladados ao hotel onde estaban hospedados.