Os ocupantes do piso conseguiron atallar as chamas antes da chegada dos bombeiros
16 dic 2023 . Actualizado ás 13:45 h.Unha densa fumareda invadiu as zonas comúns dun edificio de Chantada durante a noite do venres a causa do lume que prendeu nunha tixola na cociña dun dos pisos. No seu interior estaban tres persoas que conseguiron frear as chamas, que se estenderon á campaña extractora e a parte do mobiliario, antes da chegada dos bombeiros. Ningún deles tivo que recibir atención nun centro sanitarios, segundo informa Emerxencias de Galicia.
O incendio produciuse nun edificio situado na avenida de Ourense e foi unha das oito alertas que recibiu o 112 en diferentes puntos da comunidade por lumes declarados en vivendas entre a noite do venres e a madrugada do sábado.