Edu Rodríguez, adestrador do Club Lemos: «Ou Lemos ten unha identidade moi clara, eu non engano a ninguén»

Edu Rodríguez afronta a súa segunda etapa como adestrador do Lemos. Se a anterior foi esixente, esta aínda o é máis, porque lidera dende o banquillo un proxecto ambicioso, que non é outro que devolver ao equipo á Terceira Federación 21 anos despois do último ascenso á categoría.

—Que o fixo voltar ao Lemos?

—Hai moitos clubs aos que podes adestrar, pero aquí tes algo que non está pagado noutros equipos. É a esixencia que ten este escudo e a súa historia. E sendo daquí, o orgullo é maior, porque sentes ao Lemos como parte de ti.

—Que diferenza ve entre esta etapa e a anterior?

—Creo que non podemos quitar mérito o que está facendo o club, pero entendo que moita culpa do que sucede hoxe tena ese primeiro ano no que fomos capaces de reflotar o Lemos, que estaba perdido. Recordo falar con Gonzalo Torres e Diego Arias para que viñeran sacar adiante a entidade. E fomos capaces de cumprir os obxectivos a nivel deportivo. Ascendemos o segundo ano con xente da casa e fomos subcampións de Copa contra o Ribadeo. E durante a pandemia estivemos fóra do descenso e incluso o último ano disputamos a fase de ascenso á Terceira.

—Ilusiona o proxecto actual, non si?

—É un proxecto ambicioso. Estase vendo a todos os niveis. Fomos capaces de incorporar xogadores de nivel para loitar pola promoción de ascenso. Dou moito mérito ao que fai o club no económico e a captación de socios. É un privilexio xogar na Pinguela con tanta xente na bancada.

—Que lectura extrae desta primeira volta, á que tan só lle falta un partido por rematar?

—Moi positiva. E se gañamos en Pontevedra será de sobresaliente. Estamos na segunda praza, a tres puntos do líder. Chegaron moitos xogadores novos, cambiamos de competición e traballamos con culturas diferentes. Non contaba a estas alturas que o rendemento fose este, porque estamos vendo un Lemos moi competitivo.

—Onde está a clave de esta traxectoria?

—No día a día, que é moi bo. O nivel competitivo é moi alto. Hai que darse conta que en dezaseis partidos só perdemos un e os que empatamos a maioría puideron caer do noso lado.

—E tendo praga de lesións.

—Así é. Adri Díaz, un referente para nós, leva sete partidos de baixa. Iker suma dous meses fóra, Lamús leva mes e medio; Aissa, que nos da un rendemento enorme suma seis partidos sen xogar, e Dani Delgado, no que tiñamos moitas esperanzas, arrastra unha pubalxia. Ten moito mérito que saquemos os partidos adiante con tantas baixas.

—Esta tempada aprobaron unha asignatura, traer un dianteiro?

—Aínda que non son moito de individualizar, neste caso vouno facer, porque Fito Periale, ademais de marcar goles [leva 16], achega un nivel competitivo enorme. É un gañador nato. E o que nos dá a nivel defensivo é moi importante, incluso máis que os goles que leva.

—A filosofía de Edu non se negocia. Este Lemos ten unha identidade propia, verdade?

—Temos unha identidade moi clara. Eu non engano a ninguén. Os meus equipos son os que ve a xente no campo. É certo que en moitas ocasións temos que adaptarnos. Ao final, o importante é gañar, e valorase ao equipo polas vitorias. Este Lemos é competitivo. Aí están os 12 goles que tan só levamos encaixados.

—E aínda con esta traxectoria, algúns non están contentos. Como leva as críticas?

—Teño 32 anos, levo dende os 18 adestrando e sei o nivel de esixencia que hai aquí en Monforte. Teño que convivir con iso.

—Menudo inicio de 2026. Toca xogar en Pontevedra e catro partidos fóra da casa.

—Serán meses moi importantes. Xogar fóra da casa non é doado, a pesar do gran nivel competitivo que estamos dando. A primeira cita, o 11 de xaneiro, será o Pontevedra B, un equipo con bos números. Será unha saída complicada, pero seremos competitivos, e estou seguro que traeremos algo de alí.

---

---