O cofundador da marca de xeados Ben & Jerry's detido por protestar contra a guerra en Gaza no Congreso de EE.UU.

Ben Cohen, o cofundador da mítica marca de xeados Ben & Jerry's, foi detido a tarde do mércores (noite en España) por protestar contra a guerra en Gaza durante unha audiencia no Congreso dos Estados Unidos do secretario de Saúde, Robert F. Kennedy Jr.

No medio da sesión, Cohen alzou a voz e denunciou publicamente a complicidade de EE.UU. na violencia contra civís palestinos. «O Congreso paga as bombas que matan a nenos en Gaza», berrou Cohen, un coñecido activista de esquerda, interrompendo a comparecencia de Kennedy. Cohen acusou os lexisladores de financiar armas para Israel con recortes a programas médicos nos Estados Unidos. «Deixen entrar comida en Gaza», engadiu.

Nun vídeo publicado nas redes polo grupo Codepink pódese ver como Cohen é expulsado da audiencia, esposado con bridas de plástico e escoltado pola Policía do Congreso.

I told Congress they're killing poor kids in Gaza by buying bombs, and they're paying for it by kicking poor kids off Medicaid in the US. This was the authorities' response. pic.twitter.com/uOf7xrzzWM

— Ben Cohen (@YoBenCohen) May 14, 2025

En 2021, Ben & Jerry's decidiu deixar de vender os seus xeados nos asentamentos israelís de Cisxordania, como xesto de protesta pola ocupación.

Ademais, o ano pasado, Cohen, asinou un manifesto no que denunciaba a influencia do lobi proisraelí AIPAC na política estadounidense.

---

---

---