Polonia rectifica e reformará o órgano xudicial que cuestiona a Unión Europea
INTERNACIONAL
O Tribunal de Xustiza da Unión Europea solicitara paralizar a actividade da Sala Disciplinaria Xudicial, unha medida que o Constitucional polaco rexeitou
24 jul 2021 . Actualizado ás 09:55 h.O partido que lidera a coalición de Goberno en Polonia anunciou onte que no outono se reformará, nuns termos aínda non precisados, a Sala Disciplinaria Xudicial, un organismo que está na orixe do contencioso entre as xustizas polaca e europea.
O primeiro ministro do país, Mateusz Morawiecki, admitiu que a Sala «non estivo á altura das expectativas» e que deben buscarse solucións para poder acatar as demandas do Tribunal de Xustiza europeo, aínda que iso supoña suspender temporalmente o funcionamento do organismo.
A corte de Luxemburgo ordenou a semana pasada a Varsovia que paralizase provisionalmente a actividade desa sala, ao considerar que a súa composición non é completamente independente do Executivo, algo que o Tribunal Constitucional polaco rexeitou.