O Celta vive «un dos días máis bonitos do ano» visitando os nenos do Cunqueiro

O persoal do Celta, xunto ao corpo técnico; a presidenta, Marián Mouriño, e demais membros da estrutura do club realizaron este martes a traicional visita do Nadal aos nenos ingresados no hospital Álvaro Cunqueiro. Os célticos regalaron sorrisos e obsequios aos pequenos, que os recibiron con entusiasmo. «Un dos días máis bonitos do ano», pódese ler nos perfís en redes sociais da entidade xunto coa foto de familia, ante a árbore de Nadal do centro e xunto con algúns sanitarios.

O club detalla que os xogadores «percorreron os cuartos para entregar agasallos, asinar autógrafos e compartir uns minutos cos pequenos, que recibiron a visita cunha ilusión desbordante». Esta visita desenvolveuse, recalcan, «nun ambiente próximo e emotivo», agradecen, así mesmo, que «a sorriso dos nenos se converteu, un ano máis, no mellor agasallo para o club nestas datas tan especiais». Estiveron presentes o resopnsable da Área Celtista, David González; o presidente da Fundación Celta, Germán Arteta, e os membros do padroado da Fundación, Rubén Martínez e Alberto Garcia.

O inicio desta tradición do Nadal hai que buscala décadas atrás. Antes da apertura do Cunqueiro, era o Meixoeiro o que recibía cada ano unha visita que non se suspendeu nin sequera durante a pandemia; eses anos, fíxose a pequena escala: Sergio Álvarez, Santi Mina e Ricardo Barros foron en decembro do 2020 e ao ano seguinte, Iago Aspas, Rubén Blanco e José Fontán, xunto con Antonio Chaves, María José Táboas e Germán Arteta. Desde o 2022, retomouse a fórmula da expedición completa, que se repite por cuarto ano consecutivo.

---

---

---