O xogador do Celta si sumara media hora ante Colombia noutro partido preparatorio para a Copa América
13 jun 2024 . Actualizado á 07:50 h.O xogador do Celta Luca da Torre non participou no segundo amigable dos Estados Unidos neste mes de xuño, no que empataron a un gol co Brasil nun duelo celebrado no Cámping World Stadium de Orlando (Florida ante) máis de 60.000 espectadores. Adiantáronse os brasileiros por mediación de Rodrygo aos 16 minutos e empatou Pulisic para o americanos nove máis tade.
O centrocampista celeste si participara fronte a Colombia o pasado sábado -derrota por 1-5-, pero esta vez permaneceu inédito. Estes dous partidos eran preparatorios para a Copa América e, tras eles, o seleccionador nacional, Gregg Berhalter, debe facer un descarte, xa que están concentrados 27 futbolistas e as listas finais deben oscilar entre os 23 e os 26. A data límites para dar a convocatoria definitiva acaba o 15 de xuño.
Sen célticos na Eurocopa, e sen Renato Tapia co Perú -xogan na madrugada do sábado no Salvador fronte a Estados Unidos-, con este partido finalizan os compromisos confirmados con presenza celeste neste mes de xuño. A Copa América comeza o día 21 e queda por ver se estarán o xogador peruano e o propio De la Torre, á espera de que saia a lista definitiva do seu país.