A fichaxe do canteirán do Celta polo conxunto vasco está só pendente de oficialización
06 jul 2022 . Actualizado á 14:22 h.O internacional español e ata o de agora xogador do Celta Brais Méndez viaxou esta mañá a San Sebastián para pechar a súa fichaxe pola Real Sociedade, que pagará preto de 15 millóns de euros ao club vigués polo seu traspaso. O acordo se habia acadado a pasada fin de semana e, aínda que o sábado estivo na Sede para pasar as probas médicas cos demais célticos, xa non comezou a pretemporada ás ordes de Eduardo Coudet ante a súa inminente saída.
O futbolista está á espera de que ambos os clubs oficialicen a operación para porse mañá ás ordes de Imanol Alguacil no primeiro adestramento de pretemporada do conxunto donostiarra. Brais Méndez viaxou nun voo a Bilbao e desde alí trasladouse por estrada a San Sebastián, onde esta tarde ten previsto someterse ao habitual recoñecemento médico.
Julen Lobete é un dos futbolistas que a Real pretende incluír na negociación, confirma Efe, pero o dianteiro de Lezo, que non forma parte do grupo de canteiráns que adestra desde o pasado 27 de xuño con vistas a incorporarse mañá á disciplina do primeiro equipo, estallo pensando, xa que hai algún club máis interesado en facerse cos seus servizos.
Quen gusta no Celta é o gardameta Matheuw Ryan, a quen ve como unha boa opción para substituír a Matías Dituro. A Real, nun principio, non contemplaba desfacerse do xogador, pero o certo é que o australiano, que ten un ano máis de contrato, xa lle mostrou o descontento co seu protagonismo ao director de Fútbol, Roberto Olabe, na charla que mantiveron nada máis finalizar a tempada e o Celta podería ser unha boa saída para un porteiro que, a poucos meses de disputar o Mundial, quere xogar para chegar rodado.
En calquera caso, a intención de Celta e Real Sociedade é pechar hoxe mesmo a operación, polo que a oficialidade ao traspaso de Brais Méndes parece cuestión de horas.
