O porteiro do Celta cre que xogando como contra o Eibar non tardarán en chegar as vitorias
26 ene 2020 . Actualizado ás 19:09 h.O céltico Rubén Blanco recoñeceu que o vestiario está «amolado por non ter conseguido os tres puntos» ante o Eibar, a pesar do cal saca conclusións positivas. «Creo que nolo merecemos por xogo e por ocasións. Eles non crearon perigo, pero obviamente eran tres puntos importantes para romper esta dinámica na que nos está custando gañar», sinalou.
O gardameta cre que por unha banda deben estar «satisfeitos» do doio fronte ao conxunto de Mendilibar. «Aos poucos estamos sacando o xogo que queremos, creando ocasións. Este é o camiño que temos que seguir», dixo o mosense.
Destacou que a nivel defensivo estiveron «moi ben» e con balón tamén. «De cara ao gol non tivemos fortuna, con dous paus e varias ocasións claras á parte», constatou. «Creo que xogando así imos conseguir non dentro de moito sacar os tres puntos que nos van dar confianza e van reconfortar o traballo que facemos para ir ascendendo na clasificación».
Non ocultou que o partido de Mestalla da próxima semana preséntase «moi complicado». «Están nun bo momento, veñen e gañar ao Barcelona e agárdanos un partido difícil. Eles están con confianza e nós tenemosque seguir a liña que ensinamos hoxe porque é o que temos que facer para gañar partidos».
