O viño co que acertar con toda a túa familia este Nadal

Os meses de novembro e decembro son unha época especial para a familia de Adegas Marqués de Vizhoja. Coa chegada do frío e as primeiras luces de Nadal, se descorchan as botellas da nova colleita do viño branco Marqués de Vizhoja. Estas semanas, a colleita 2023 deste viño comeza a encher as copas en restaurantes e fogares, ademais de acumular xa varios recoñecementos internacionais.

A poucos días das festas, mentres se abren estas primeiras botellas, moitos pensan xa nas súas ceas deste Nadal. E, ademais do menú, escoller un viño para un grupo numeroso, como unha cea familiar, nunca é tarefa doado. Por iso, a nova colleita do viño branco Marqués de Vizhoja pode ser unha opción: sabor fresco e equilibrado xunto a máis de medio século de historia para contentar os variados gustos de toda a túa familia.

A historia deste viño remóntase a 1968 , cando D. Mariano Peláez, fundador da adega, comezou a comercializalo. Desde entón, a folla de parra na botella, o rodaballo gravado na mesma e o seu sabor afrutado convertérono nun dos viños máis recoñecibles do mercado.

Os fillos de D. Mariano Peláez, Jorge e Javier, están a cargo de Adegas Marqués de Vizhoja na actualidade. «Aínda que traballamos varios viños, temos un cariño especial polo noso viño branco Marqués de Vizhoja», sinala Javier, en referencia á traxectoria adegueira iniciada polo seu pai. «Son máis de 50 colleitas deste viño, máis de medio século de experiencia para perfeccionar este viño, que é o máis persoal da adega», engade o seu irmán Jorge.

A colleita de 2023 está xa nos andeis dos supermercados e nos restaurantes, lista para chegar ás nosas copas. «A nova colleita ha saído a finais de novembro, a poucas semanas do Nadal, unha época na que probar novos viños e gozalos coa familia e as amizades», apuntan os propietarios da adega.

Neste sentido, desde a adega insístennos en maridar o viño con momentos felices. «É un viño que podes tomar nun aperitivo con amigos, que invita a reunirse. Doutra banda, o seu sabor afrutado, suave e fresco fano ideal para as ceas familiares nestas festas, onde os gustos adoitan ser moi variados. Con esta opción non defraudas a ninguén e, ademais, conta con selo vegano», apuntan.

A clave: a xente que repite co viño branco Marqués de Vizhoja

O ano pasado, coa anterior colleita, o viño branco Marqués de Vizhoja situouse, de novo, como un éxito. «Quedamos sen botellas», apunta Javier, quen sinala que este ano aumentarán a produción.  Onde está o truco? Segundo os propietarios da adega está en «toda a xente que repite: confían no viño, son fieis a el e volven probalo, lévano a casa de amigos... Para nós a xente que descobre o viño é importante, pero a clave está naqueles que volven a nós».

Nos últimos anos, o viño branco gañou peso entre os consumidores. «E iso repercute especialmente naqueles viños que son capaces de conxugar calidade e prezo”, apuntan desde a adega galega. O viño branco de Adegas Marqués de Vizhoja rolda os 5 euros, “é unha botella alcanzable, máis nos tempos que corren cos prezos, e que che asegura un viño de calidade».

Para rematar, a anada de 2022 deste viño recibiu a medalla de ouro no certame «Best of Spain Wine Challenge». O premio celebrouse en Irlanda no mes de outubro, organizado pola Unión Española de Catadores. «Este recoñecemento, ademais de avalar a calidade do viño, dános un impulso á súa expansión internacional», apuntan os propietarios da adega. A este premio, súmanse tamén os 90 puntos outorgados polo recoñecido crítico James Suckling á colleita de 2022.